Nafarroako Berdintasunerako Institutuak sexu eta genero aniztasunaren alde lan egingo duten udalerrien sare bat sortu nahi du. Horretarako, asmo-adierazpen bati atxikitzea baino haratago doan konpromiso erreala eta eraginkorra lortu nahi da toki-erakundeen artean.
Sarearekin bat egitea lehen urratsa da, ondoren ekintza oso zehatzak egiteko benetako konpromisoa hartu beharko da, udal-eremuan LGTBI+ politikak ezar daitezen sustatzeko.
Sarera atxiki ondoren, hartutako konpromisoen betetze-maila ebaluatuko da urtean behin. Guztiak bete ondoren, NABIk LGTBI+ pertsonen berdintasun sozialaren arloan kalitate-zigilua emango dio.
HELBURUA
SARTZEKO PROZESUA
1. Atxikitzeko eskaera. I. eranskina bete eta NABIko LGTBI+ Berdintasun Zuzendariordetzara bidali, instantzia orokorraren bidez.
2. Berdintasun Zuzendariordetzak atxikipen-eskaera onartzea eta udalerri eskatzaileari jakinaraztea.
3. Atxikimendua eta hartutako konpromisoak sinatzea. (II. eranskina)
4. Ekintzak egitea.
Programak hiru esku-hartze ardatzetan banatutako hainbat ekintza biltzen ditu: Politika publikoak, Prestakuntza eta Sentsibilizazioa. Sareari atxikitako udalerri bakoitzak urtero egin beharreko ekintzak hautatuko ditu hiru ardatzen artean. (III. eranskineko hasierako jarraipen-fitxa bete).
5. Egindako ekintzen ebaluazioa.
Egindako ekintzak ebaluatzeko prozesu bat egingo da, lortutako gauzatze-maila ezagutzeko. (III. eranskineko amaierako jarraipen-fitxa bete).
6. Gomendioak.
Ebaluazioa egin ondoren, udalerri bakoitzak hainbat gomendio jasoko ditu egiteke dauden ekintzak gauzatzeko.
7. Kalitate-zigilua lortzea.
Ebaluazioa egin ondoren, udalerri bakoitzari jakinaraziko zaio zenbateraino bete den eta zein mailatan dagoen. Maila bakoitzak kalitate-zigilu bat lortzea dakar.
KALITATE ZUGILUAK
--------------------------------------------------------------------
ESPERIENTZIAK TRUKATZEKO GUNEA
Urtero, LGTBIfobiarik gabeko udalerrien sareari atxikitako udalerriek esperientziak trukatzeko foro batean parte hartuko dute. Helburua ekintzak ezartzeari buruzko ezagutzak, esperientziak eta jardunbide egokiak partekatzeko gune izatea da.
nafarroa.eus
