Emakumeen elkarte eta berdintasun programak dituzten beste entitateak

Urtero, NABIk diru laguntza deialdi bat antolatzen du, emakume eta gizonen arteko berdintasuna bultzatzen duten proiektuen garapena indartzeko helburuarekin. Benetako berdintasuna lortzeko, emakumeen asoziazionismo eta parte hartze sozial eta politikoa bultzatzeko NABIren estrategiarekin bat datoz laguntza hauek.  Benetako apostu bat, zeinak eremu honetan gobernuak duen konpromisoari erantzuten dion. 

2022-2023 Deialdia

Emakumeen eta gizonen arteko berdintasuna bultzatu eta sustatzeko proiektuak garatzen dituzten emakume elkarteei eta irabazi asmorik gabeko bestelako elkarte edo entitateei dirulaguntzak emateko deialdia 

 

Kontsultak programasinai@navarra.es edo 848 42 15 83 zenbakian

 

Gehieneko zenbatekoak:

  • Emakumeen elkarteak: 10.000 €
  • Irabazi asmorik gabeko erakundeak: 5.000 €
  • 3.500 €-rainoko proiektuak, diru-laguntza % 100ekoa da.

 

Ohar interesgarriak:

  1. Aurtengo deialdiaren oinarriak ez dira aldatu iazkoarekin alderatuta, eta horrek esan nahi du sentsibilizazio jarduerak finantzatzeari ez zaiola utziko, batez ere M8ko eta A25a bezalako data esanguratsuetan (antzerki ikuskizunak, etab.), betiere proiektuan genero-ikuspegi esplizitua dutela eta ez direla aisialdikoak soilik justifikatzen bada.
  2. Nasertic edo Nafarroako Gobernuaren beste baliabide batzuen bidez (https://capacitaciondigital.navarra.es/eu/web/capacitaciondigital/hasiera) arrakala digitala murrizteko ematen diren edukiak dituzten ikastaroak ez programatzea gomendatzen da. Elkarteek diru-laguntza eska dezakete genero-ikuspegia duten proiektu edo ikastaroetarako, baldin eta teknologien erabilera komunikazio-tresna bada edo genero-arloko edukiak aurkitzeko eta sortzeko eta sareetan zabaltzeko eta abar balio badu.
  3. Gure ustez, elkarteek hazkunde-prozesu bat jarrai dezaten, aurrera egin behar da, sentsibilizaziotik harago, elkarren artean erlazionatzen diren PRESTAKUNTZA-jardueretarantz, jarraipena izan dezaten eta erakundeak indartzeko baliagarriak izan daitezen.