“Emakume Sortzaileak” zikloak, INAI/NABI eta IPES Fundazioak antolatua, apirilaren 26tik 28ra bitartean, formatu presentzialean izango da. Bertan, Ángeles González Sinde zinemagilea eta kultura-ministro ohia, Edurne Portela saiogile eta historialaria eta Marta Sanz idazlea izango dira.
Emakume Sortzaileak programaren helburua gure gizartean emakumeen sorkuntza eta jarduera kulturala ikustaraztea, erreferenteak zabaltzea, eta sortzea da, eta horrez gain, herritarrei informazioa helaraztea.
Nafarroako Berdintasunerako Institutuak eta IPES Fundazioak antolatuta, podcastak hedapen feministako fenomenotzat aztertzen dira aurten. Komunikazioa aldatu eta irauli egin da podcast-en hazkunde geldiezinaren ondorioz; pandemiak narratiba fresko eta zuzeneko formatu gisa finkatu zituen, non feminismoak eszenatoki ezin hobea aurkitu zuen emakume gisa zeharkatzen gaituzten gaiei buruz hausnartzeko. Podcasts feministak audientziak bereganatzen ari ditu egunez egun, antzokiak eta aretoak betez, anima zaitez eta zatoz entzutera egungo podcastak zuzentzen eta aurkezten dituzten emakume hauek!
Nerea Pérez de las Heras: ezaguna da hainbat plataformatan kazetari eta komunikatzaile gisa egindako lanagatik, betiere umorea hausnarketarako eta kontzientziaziorako tresna gisa erabiliz. Gaur egun Ines Herandekin batera Saldremos mejores eta Antonio Nuñorekin batera Lo Normal podcastak zuzendu eta gidatzen ditu; Olga Iglesiasekin batera Cómo hemos llegado hasta aquí antzezlana ere antzezten du. Bere ibilbide profesionalean zehar, hainbat hedabidetan idatzi du eta hainbat irrati- eta telebista-saiotan kolaboratzen du. Urteak daramatza jendaurrean komedia politikoa egiten Feminismo para torpes ikuskizunaren bidez, zeina liburu (Planeta) eta El País egunkarirako bideo sorta bihurtu zelarik. Arcoíris (2022), Fancinegay (2023) eta Linces Moradas (2023) sariak jaso ditu.
Anna Pacheco: gizarte-gaietan, feminismoetan eta herri-kulturan espezializatutako kazetari, gidoilari eta idazlea, klase eta genero ikuspegiarekin. Bere testuak El País, VICE, PlayGround, La Marea, El Salto eta El Diario hedabideetan argitaratu dira. Gaur egun, kazetari autonomo gisa lan egiten du hainbat hedabide edo aldizkaritan. Primavera Sound Irratiko Ziberlokutorioa aurkezten du. Hainbat antologiatan parte hartu du, eta Listas, guapas, limpias (Caballo de Troya, 2019) lanaren egilea da.
Andrea Gumes: politologoa eta kultur kazetaria. Bere hitzezko inkontinentzia erabiltzen du jarraitzaileak irabazteko Radio Primavera Sounden, Anna Pachecorekin partekatzen duen podcast-ean, Ziberlokutorioan, eta Tardeo kultur programan. Agian Tube d 'Assaig webserieen programa gidatzen ikusi zenuen. Orain ostiralero atal kultural bat du TV3ko arratsaldeko magazinean, Planta Baixa. Batzuetan idazten du, Ya no recuerdo que quería ser de mayor (Temas de Hoy, 2019) kontakizunen antologian aurki dezakezue, eta (h)amor 7: roto (Contintametienes, 2022) entsegu kolektiboan.
Zaida Carmona: Pompeu Fabra Unibertsitatean Ikus-entzunezko Komunikazioan lizentziatua eta Gidoi masterra Madrilgo Carlos III Unibertsitatean, Filmin-eko marketin eta komunikazio sailean lan egiten du. Lan hori ikus-entzunezko proiektuekin eta edukiekin uztartzen du, besteak beste, Son ilusiones film laburra, konfinamenduan filmatutako egunkaria. 2019an, Cristina Pastranarekin batera, La amiga de mi amiga podcastari ekin zion, 2021ean podcasta pelikula bihurtu zuelarik. La amiga de mi amiga filmarekin Un impulso colectivo saria lortu zuen D 'A Film Festival-en, publikoaren saria Rizoman, Epaimahaiaren saria Reteena Jaialdian eta Donostiako edo Rotterdameko nazioarteko jaialdietan aurkeztu zen.
NABIk programa hau garatzen du genero-berdintasuna sorkuntzaren eta ekoizpen artistiko eta intelektualaren eremuan txertatzeko. Era berean, emakumeek kulturaren alorrean egiten dituzten ekarpenak ikusarazi nahi ditu, musikan, literaturan, arte plastiko eta eszenikoetan, ikerketan eta irakaskuntzan, erreferenteak sortuz eremu horietan guztietan.
BESTE EDIZIOAK
nafarroa.eus
